Gluggar og Garðhús óska eftir að ráða sölumann til starfa.

Um fullt starf er að ræða.

Tilgangur starfs
Að annast beinar söluaðgerðir og ráðgjöf með áherslu á lausnarmiðaðri þjónustu, byggja upp og viðhalda sterkum viðskiptasamböndum og tryggja framúrskarandi þjónustu við viðskiptavini. Sölumaður tekur á móti viðskiptavinum, vinnur úr fyrirspurnum sem berast í gegnum vef fyrirtækisins, skráir öll samskipti í CRM og nýtir Sketchup eða sambærilegan hugbúnað til að skissa upp lausnir sem mæta þörfum viðskiptavina. Sölumaður starfar undir leiðsögn Sölu- og markaðsstjóra og gegnir lykilhlutverki í því að styðja við veltumarkmið fyrirtækisins

Starfs- og ábyrgðarsvið

• Móttaka og úrvinnsla fyrirspurna, verðtilboða og pantana.
• Viðhalda góðum samskiptum við viðskiptavini í síma, gegnum tölvupóst og í persónu.
• Kynna vörur og lausnir fyrirtækisins með áherslu á faglega ráðgjöf
• Skissa upp hugmyndir og tillögur að lausnum í Sketchup eða sambærilegum hugbúnaði
• Samstarf við framleiðslu og verkstjóra til að samræma tæknilegar lausnir.
• Taka þátt í sölu- og markaðsviðburðum þegar við á.
• Skrá öll samskipti og sölutækifæri í sölukerfi fyrirtækisins
• Fylgja eftir tilboðum og sjá til þess að afhending og framleiðsla gangi samkvæmt áætlun.
• Tryggja að upplifun viðskiptavina sé fagleg, skjót og lausnamiðuð.

Menntunar- og hæfniskröfur

• Reynsla af sölu og þjónustu til fyrirtækja og einstaklinga - helst í tækni eða byggingargeiranum
• Færni í SketchUp eða sambærilegum teikniforritum er skilyrði.
• Góð færni í ráðgjöf og lausnaleit fyrir ólíka viðskiptavini.
• Skipulögð vinnubrögð og sjálfstæði í ákvarðanatöku og í samstarfi við aðra
• Mjög góð tölvukunnátta og færni í sölukerfum og samskiptatólum.
• Iðnmenntun, tæknimenntun eða sterk verkleg innsýn er kostur.
• Vilji til að læra, þiggja leiðsögn og bæta frammistöðu.

Við bjóðum

• Skapandi og fjölbreytt starf þar sem tenging milli sölu, hönnunar og framleiðslu er einstök.
• Persónulegt og þéttriðið vinnuumhverfi með öflugum stuðningi.
• Sveigjanleika í starfi, öflugt samstarf og raunveruleg áhrif á vöxt fyrirtækisins.
• Þjálfun og stuðning til að efla færni í tækni og samskiptum.
• Áskoranir og verkefni sem skipta raunverulega máli fyrir viðskiptavini.